وجه رئيس حزب “التحالف من أجل تونس” سرحان النّاصري رسالة شديدة اللهجة إلى منذر الزنايدي والذي سقط من قائمة المترشحين للإنتخابات الرئاسية، وقال الناصري أن الزنايدي تحول إلى انستغراميز في الوقت الذي آختار الشعب التونسي رئيسه وانتهت الإنتخابات.
وهذا ما ورد في نص تدوينة الناصري:
بربّي الي يعرضو والا يعرف وين يلقاه يبلّغو الي الانتخابات وفات، والي الشعب التونسي اختار رئيسه.
ويذكّرو الي في 2014، جاب 0,74%، وفي 2019 ما وصلش حتى لم تزكيات باش يترشح وقعد ينوي وبرّا.
اليوم قعد كل نهار يعمل زوز ثلاثة ستوريات تقول انستقرامور، جاب ربي موش تيك توك ولا راهو يعيّط كبّس كبّس.
بلّغوه وفهموه بربّي راهي القيادة يا عندك يا ما عندكش، أما كي تكون حياتك كاملة صانع وتطبّق في التعليمات ما تجيش اليوم تحب تولي رئيس وتقول للمقربين متاعك فما شكون يحظّر فيا للرئاسة.
الدنيا صغيرة والناس تعرف بعضها والمقربين منّك ما يعرفوش أمانة المجالس.
آه، بالنسبة لصنّاع سي المنذر ما تنساوش تخرجو هاكي التصويرة.
