الله غالب مانيش ولد الدار، اما ولد تونس الدار الكبيرة !
انا وأعوذ بالله من كلمة انا والي يعرفني مليح، من قريب ولا من بعيد، يعرف قدّاش نأمن بالخدمة، وعمري ما كنت من النوع الي نكتب على الفايسبوك اما ما وصلت اليوم كتبت الكلمتين هاذم الا ما حسيت ببرشة وجيعة وبرشة ظلم.
كل شيء بالكتبة، والمنتخب عندو “ماليه”، بالرغم الي نحب بلادي ونحترم الدرابو وخيارات الاطار الفني.
انا خدمت ويعلم ربي قداش تمرمدت وضحيت من اجل دعوة لتمثيل بلادي كانت من المفروض تتوجهلي من التربص الي فات.
على كل الي صار صار ، ربي يهدي الي كان سبب.
حبيت نشكر الناس الكل الي وقفت معايا وتضامنت معايا وكلمتني.
انا نكوّر في جمعية كبيرة اسمها الملعب التونسي وهذه حاجة ما تنجم كان تقوويني وتنسيني في الحاجات الخايبة!
الدار الكبيرة !
