نشر الجناح الهجومي لفريق الاولمبي الباجي مالك شويخ مساء اليوم تدوينة في حسابه الرسمي على الفايسبوك نفى فيه رفضه الجلوس على مقاعد البدلاء في مباراة السوبر امام النجم الساحلي
وقال شويخ انه غادر ملعب رادس يوم المباراة بعد علمه بقرار وضعه خارج التشكيلة داخل حجرات الملابس مؤكدا أنه جلس سابقا على بنك البدلاء في عدة مقابلات وإحترم قرارات المدرب
وفي مايلي تدوينة شويخ:
عندي مدة نشوف في غضب الجمهور و برشا عباد تحكي في الpaget على حاجات غالطه و ماهيش موجودة أصلا. ليومة قررت نحكي عاي صار و عالقهر إلي ساكت عليه عندي مدة خاصة بعد إلي صار البارح ، ما راعني إلا نلقى روحي المدرب حطني خارج القائمة وهذا الكل عرفتو وقت لي أنا في حجرة الملابس وفي اللحظة هذيكا حسيت بالقهر و خرجت direct مالستاد منيش فاهم فاش قاعد يصير على عكس إليّ قاعد يتقال إلي أنا رفضت نقعد عالبنك.
شطر les matchs لي تلعبو كنت عالبنك و نشجع في صحابي و كنت راضي خاتر أذاكا choix متع l’entraîneur و أنا ما عليا كان نحترمو.
عمري ما تكبرت على الأولمبي الباجي هذيكا جمعيتي إلي علمتني برشا حجات و عطاتني فرصة بش نلعب و نظهر ولا عمري نهار نكرت الكلام هذا. فما حاجات غريبة صايرة إلي لبرا ما يعرفوهاش و حسبي الله و نعم الوكيل في كل من كان سبب و حب يحطلي العصا في العجلة و كل من يحب يشوه صمعتي.
